Ardbeg威士忌出名重煙燻泥煤味，喺艾雷島Islay都有泥煤野獸之稱。偏偏佢喺世界各地都好多FANS，甚至有愛好者組成Ardbeg Committee，呢隻野獸其實好有內涵～

(加入成為Ardbeg Committee: https://shop.ardbeg.com/en-gb/register?returnUrl=https://www.ardbeg.com/en-int )

燃燒泥煤可以烘乾麥芽，呢種煤因為含水量高，會產生大量有味道嘅酚類依附喺麥芽，喺呢個狀態下測量出Ardbeg嘅泥煤值係艾雷島酒廠均最高，怪獸就此誕生！ 

其實經過各種工序之後，成品嘅泥煤值得返1/2到1/4，以下係造就Ardbeg細緻複雜風味嘅主因！ 

長短發酵

Ardbeg分別有60小時同近100小時嘅兩組發酵，其中較長嘅一組會產生蠟質同肥皂風味，搭配強壯艾雷島煙燻風格一流！ 

蒸餾淨化器

蒸餾會大大減低泥煤酚值，Ardbeg喺蒸餾器上加上小型淨化設計，增加酒液回流。好處係造出更豐富果香同輕盈酒體，去平衡泥煤味。 

海邊熟成

Ardbeg的熟成倉庫迎向海岸，酒液的一絲海鹽味彷彿由此而來。有98%原酒以波本桶熟成，只有少量酒款帶雪莉風格，喺海風之下陳年令香味更變幻莫測。