如果你對中國白酒🍶既印象，係一班大陸高官豪邁大嗌「乾杯」，其實都幾可惜。錯既唔係聽故事既你，而係攪錯重點，拎茅台來劈🔪既豪客。 

生意角度，酒商梗要多謝劈酒既豪客。但得罪講句，劈酒原則上係浪費左釀酒師既心機❤️。點解？因為中國白酒🍶，其實係經無數代人既反覆試驗、研究同改良，當中最講究既，其實係香味👃🏻而非味道👄，因此有人會講「好的茅台空杯留香，即使到第二天香氣依然強烈」。 

既然中國白酒🍶最講究香型。所以今日先同大家分析各香型有咩特質︰ 

清香型

中國北方既傳統烈酒，代表係山西杏花村汾酒，所以又叫汾香型。這類酒通常無經長期窖藏，風格清香🌺純正，當然陳年後會更高雅，普遍有新鮮穀物🌾散發出既香氣。清香型白酒主導左中國酒界好多年📅，不過地位已逐漸被醬香型同濃香型追上。

濃香型

代表酒係瀘州老窖特曲。由於長期窖藏⚱️，濃香型嘅酒香有窖香和糧香🌾，而且經常有強烈嘅果香（e.g.菠蘿🍍、蘋果🍎等），口感綿甜，酒體濃厚 ，回味悠長。濃香型是目前主流🌊，佔全中國白酒70%，如五糧液、古井貢酒、劍南春都屬此類。

醬香型

被認為係最高貴💎既類型之一，著名既貴州茅臺就係代表。佢有類似焗過嘅焦香和醇，發酵食品的特殊香氣👃🏼（e.g.腐乳、醬油），香味重🦖而複雜，酒質醇厚，餘韻特別長。

鳳香型

代表係陝西鳳翔縣西鳳酒。可以話係清香同濃香之間，味道有濃香型嘅窖香⚱️同糧香🌾，又有清香型🌼嘅綿甜清爽。

芝麻香型

最新🆕定義既香型，兼有濃、清、醬三種香型之所長，亦係釀造技術🛠️難度最高既一種，代表係一品景芝系列。

米香型

以桂林三花酒為代表既傳統酒種。以大米🌾為原料，主要特徵是米香🍚明顯、蜜香清柔，飲後微甜🍬，給人樸實純正的感覺。傳說中酒神杜康👴🏼釀既就係米香型白酒。

豉香型

歷史悠久既地方產品，集中在廣東省。同樣以大米🌾為原料，具有特殊豉香，各味協調，餘味甘爽，深受香港🇭🇰、澳門🇲🇴一帶消費者喜愛💖，玉冰燒是其中代表。

藥香型

主要代表係貴州董酒。聞起黎有明顯草藥🌿味，香氣典雅，酸度🍋較高。

兼香型

新派香型之一，分佈全國各省。兼有濃、醬香型特點，芳香👃🏼細膩豐滿、口味👄細膩，幽雅回甜。如黑龍江🐉玉泉酒同湖北白雲邊☁️酒。

馥郁香型

具濃香型💪🏻的窖香、清香型🌼的乙酯香、以及醬香型既回味，三香和諧共生，酒精刺激感不強，入口順溜😋。以酒鬼酒��為代表。

特香型

江西四特酒為代表。以整粒大米🌾為主要原料，不經壓碎。香味👃🏼和階有層次感，酒體豐滿💪🏼，餘味悠長。

老白干香型

以高粱為主要原料，香氣清雅自然🌲，高粱含微量的丹寧轉化為丁香酸等芳香👃🏼物質，貯藏期較短。最有名代表為衡水老白干。

沉香型

清澈透明，清、濃、醬香氣馥郁，沉香怡人、醇厚綿甜、圓潤協調、餘味爽淨，具有本品典型風格。沉香型白酒由沈怡方先生、賴高淮先生與中國沈酒集團共同創作完成，組合了「濃、醬、清」三種白酒香型，口感新奇。