好多人對意大利氣酒Prosecco既印象係「沒性格既氣泡酒」，其實係一種粗疏既誤解。Prosecco係一種非常細膩既氣泡酒，同香檳一樣具有悠長歷史既釀酒過程，有嚴格指定既產區，並足以代表風土。

Prosecco本身係葡萄品種。近年Prosecco開始風靡全球，各國於是紛紛仿效，開始種植呢種葡萄釀造取名Prosecco既酒。由於葡萄品種係唔可以註冊專利，為保障意大利生產商權益，意大利人索性將Prosecco變成酒名註冊，以防名字被濫用，然後將葡萄品種名字改稱為Glera。

Glera主要生長喺意大利東北部Veneto區Treviso省，產量高而個性平淡，如果釀成靜態酒會非常乏味，但釀製成氣泡酒卻芳香怡人，花果香味豐富，當中梨子、蘋果、檸檬等氣息最為明顯。跟香檳不同，Prosecco採用Tank Method釀法，強調清幽果香，傳統既香檳瓶內二次發酵，反而會掩蓋葡萄最吸引既香氣和新鮮度。

從2009年起，Prosecco被劃分為兩大級別，於Friuli Venezia Giulia生產既為Prosecco DOC；而喺Conegliano Valdobbiadene及Asolo地區生產既則被擢升為 Prosecco Superiore DOCG，當中更包含Rive及Cartizze兩個頂級子產區。

比起香檳Prosecco非常便宜，即使係最高級別既Cartizze/Rive價位一般都只係相當於普通香檳，且質量不比香檳遜色，憑其平靚正優點成功攻陷全球多個市場，成為香檳既一大競爭對手。