愛爾蘭宗教節日Saint Patrick Day同威士忌嘅起源有關？

3月17日係愛爾蘭紀念聖人St. Patrick嘅大日子，相傳當日著綠色衫可以遠離厄運！ 

傳說中呢位聖人早喺西元五世紀就將蒸餾技術帶到愛爾蘭，因此喺佢地官方技術規範都聲稱係歐洲最早，起源於六世紀嘅蒸餾。 

因為年代久遠亦缺乏歷史記錄印證，但係以文獻記載的確喺十二世紀左右愛爾蘭就有穀物蒸餾酒，相信係威士忌嘅前身，亦比蘇格蘭嘅記錄更早出現，因此普遍認為威士忌起源自愛爾蘭。 

無論St. Patrick有無參與，愛爾蘭一直係世界威士忌大國，風格上亦同蘇格蘭唔同。 

蘇格蘭以泥煤處理好多製酒工序，例如烘乾麥芽，飲唔飲得出其實都會有好輕微煤燻味道；愛爾蘭同樣盛產泥煤，但係多數會選用石灰同煤炭，因此香味普遍更清新。

另外愛爾蘭傳統喜好使用三次蒸餾，蒸餾越多酒體越輕柔，同時對用桶同調兌技術更有要求，呢種舒服嘅風格對新手老手都同樣友善！ 

愛爾蘭威士忌會用Whiskey，而蘇格蘭就用Whisky，有E定無E你又知幾多？