【清酒 Sake | 熱飲清酒你要知道的二三事 Hot 】HK
Descriptions:
Read More 🔽
日本人最出名嘅就係對於細節嘅執著,就連飲清酒嘅溫度都好講究,講究嘅程度可以劃分到每五度就有一個名。
簡單講下有邊幾個名先:
雪冷 (5度),花冷 (10度),涼冷 (15度),日向燗 (30度),人肌燗 (35度),溫燗 (40度),上燗 (45度),熱燗 (50度) 同飛切燗 (55度或以上)。
清酒對於溫度好敏感呢樣嘢除左喺儲存方式之下體現到之外,
喺飲用方面都有唔同嘅表現。
熱左嘅清酒會喺個方面都有所改變,包括甘甜味會明顯左,酸味下降,旨味提升,苦味柔和左,酒體圓潤左等等。
名義上所有清酒都係可以熱嘅,但係好唔好飲就要睇你點樣選擇啦。
——————
想知道邊啲清酒可以暖飲?大概分為呢兩大要點:
1。爽酒不了
爽酒本來求咩?求爽架嘛。斷估都唔會有人覺得熱飲係爽掛?爽酒都係用翻花冷或者涼冷就好啦。
2。純米/ 生酛世一
純米酒嘅旨味加熱左之後會慢慢咁散發出黎,生酛清酒係最適合攞黎溫飲嘅清酒,生酛嘅乳酸感加熱過後會令清酒嘅口感更加柔和。
——————
至於要點加熱?有個可以喺屋企都能夠輕輕鬆鬆加熱嘅方法嘅:
一。倒大約200-300ml嘅清酒落一個容器度,然後用保鮮紙包住,避免過多香氣揮發。
二。另外準備個煲黎煲普通清水,煲滾之後可以將原本放左清酒嘅容器隔水放入個熱水煲度,記得要熄火,攤到大概80度左右先好放杯入去。
三。大約2-3分鐘之後就可以攞上黎,喺無溫度計嘅情況下,摸一摸清酒容器嘅底部,少少辣手就代表啱啱好啦。
四。嫌唔夠熱都可以繼續加熱嘅,不過小心唔好過熱,始終人地都係酒精類飲品,會揮發嘅。
Wine List: