
清酒 Sake | 【十月一日係日本酒之日——一齊慶祝日本酒之日啦 World Sake Day】HK
Descriptions:
Read More 🔽
點解係十月一日?
咁係有兩個原因嘅。
呢一日係由日本酒造組合中央會於1978年設立。
喺1965年或之前,係從10月1日開始計起。原因係因為大部分酒造都喺呢個月收割新米黎釀酒。
補充一下,其實清酒嘅月曆同其他行業唔係好一樣,係以「釀造年度(BY)」黎計算,現時已改以每年嘅7月1日為新一年嘅開始。
第二個原因係因為,「酒」字嘅右邊——「酉」,代表左十二干支入面嘅「第十」,而「酉」嘅象形文字係代表裝酒嘅器皿,所以就因為「酉=十」而揀定10月1日係日本酒之日。
呢日要做啲乜?
飲!
其實所謂節日,都係比個理由自己飲多啲嘢姐!但係又咁講,其實整得呢類節日,都係希望可以將日本清酒發揚光大,令更多人接觸到清酒嘅世界。
日本人點慶祝?
以往,日本酒造組合中央會會舉辦「全国一斉日本酒で乾杯!」(全國一齊以日本酒乾杯!)嘅大型活動,搵左47個都道府縣嘅清酒,再準備日本各地嘅鄉土料理,吸引左好多人前往參與。
而今年嘅日本酒之週定左為9月23日去到10月2日,今年其中一個重點活動係,只要你買SAKE買滿2,000yen就有機會得到一支嚴選地酒或者一個透明嘅一合升。
日本以外嘅人點慶祝?
除左日本之外,香港都有好多SAKE BAR會搞清酒放題同推廣活動;美國有大型清酒活動,提供超過300款入口清酒同美國嘅Craft Sake比客人飲用;台灣亦有舉辦過寧夏夜市嘅特色小食配搭日本清酒嘅《千歲宴》。
齋飲好dry喎
咁都可以自己整少少野食黎應下節嘅,雖然香港無冬天,咁但係人地日本有呀嘛。
例如秋刀魚啦、松茸啦、魷魚啦等等等等,唔想自己煮嘅話⋯⋯去居酒屋都會有當季美食提供㗎!
Wine List:
N.V.
720ml
Sold Out
Sold Out