日本清酒仲有好多特定既名稱類別，可謂五花八門，初學者有時真係會睇到一頭霧水唔知點畀反應。今次MyiCellar 會帶大家細味清酒釀造の深度與魅力。

日本清酒既基本分類，取決於釀酒使用既原材料、以及有否添加釀造酒精兩大要素。以此為標準日本酒共分八種，包括「本釀造」、「特別本釀造」、「純米」、「特別純米」、「吟釀」、「大吟釀」、「純米吟釀」及「純米大吟釀」，當中以吟釀、大吟釀及純米大吟釀最為港人所認識。

首先講下添加釀造酒精，其目的主要基於改良口感。「純米」因為只用米和米麴所釀成，穀物香氣會顯得比較濃郁，酒體會比較厚重甘醇；反之，「本釀造」由於加入釀造酒精，酒體會比較輕盈，清爽易入口，能帶出果實般既香氣。要注意既係，添加釀造酒精並不一定係次級品。用優質釀造酒精的酒廠亦不計其數，當然不能毫無節制地隨意添加釀造酒精，必須控制在白米重量10%以下，超過這個上限只能歸入「普通酒」類別。如果你想感受米本身既「甜旨味」、鮮味同柔和甘醇風味既話，可以選擇「純米」類別清酒；如果你偏好口感清爽、氣味芳香既酒感，可以挑選「本釀造酒」，從而輕鬆地尋找自己喜歡既口味。

講到日本清酒，最常聽到嘅一個TERM就係「精米步合」。所謂「精米步合」，係指對清酒既原材料「酒米」既粹取程度。「精米步合」數字愈低，代表著米被磨得愈細，雜質亦較少，釀出澄澈細膩，口感清爽既酒體。呢個係相當特別既一個概念，因為世上咁多種類既酒，只有日本清酒會對原材料講究到呢個地步！風味而言，剛才提到既「大吟釀」、 「純米大吟釀」為例，規定其精米步合需達50%以下，即米被磨去50% 。

有些品牌會將精米步合資料直接標示在產品名稱上，如獺祭50，即表示米被磨去了50%，以剩下50%釀酒； 獺祭三割九分，其精米步合39%，即米被磨去了61%，以剩下39%釀酒。但有一點要留意，「精米步合」既高低與清酒品質之優劣並無直接關係，釀酒師精心工藝先係精髓所在。