平時飲日本清酒時，有無遇到喜歡既酒款，講得出品牌，卻不知清酒屬於邊種風格，應該點樣形容自己喜愛既清酒style 呢？MyiCellar 將會一連幾篇講解日本清酒各種風格、釀酒美學、食物配搭同埋專門詞彙，令你更能輕鬆掌握日本清酒文化及其精髓，尋找出自己喜愛嘅清酒風格密碼。 

根據香氣與口味既搭配，日本酒大致可以歸納出四大類，包括薰酒、爽酒、醇酒及熟酒。需要指出既係，呢個分類係概括咁四種常見既風格，類別之間並唔係壁壘分明，當中有重疊之處，彼此之間卻無優劣之分。 

薰酒屬於「氣味芬芳」類型，帶著一股誘人既花果香氣，口感以輕盈為主 ，大吟釀、吟釀酒都屬於薰酒既代表酒款（如獺祭、十四代、出羽櫻等）。當然各品牌特性、風格、香氣同口味有其獨到之處。 

爽酒帶有鮮明既口感，著重既係「清新感」。相比於薰酒，爽酒香氣較不明顯，味道清雅淡麗，適合配搭多種食物料理。普通清酒、唔少本釀造酒都可大致歸類為爽酒類別（如八海山、久保田等）。對於日本清酒初學者黎講，爽酒應該係較易接受既風格。 

醇酒圓潤香醇，飽滿紮實，散發著稻米既獨特清香， 濃郁中帶點清新氣息。純米酒、生酰可以話係代表酒款。近年流行既「無濾過生原酒」多屬於醇酒類別。「無濾過生原酒」係指喺裝瓶之前未經過濾、不加水稀釋，也不加熱殺菌既酒款，成品呈現出口感飽滿且強勁既風味。 

熟酒顧名思義係經過熟成階段，並且係非糖類添加酒既清酒，可分為「輕熟」和「重熟」類型。鮮明厚實既酒體散發著乾果、香料如肉桂等複雜熟成香氣。典型既熟酒會熟成三年或以上。值得留意日本酒既熟成並不像葡萄酒或威士忌受到明顯氧化還原既變化，但酒既色澤外觀會變成褐色。古酒就屬於熟酒類型，風味濃郁。 

初步了解清酒既口感與風味後，下一步就從閱讀酒標中摸索自己既鍾愛。喺酒標上經常會見到「辛口 」呢個詞彙，意指瓶內既酒口感清爽，味道鮮明，屬於「 Dry」既款式。之前提到既爽酒常見於「辛口
」類型。至於口味比較濃郁甘美，酒標上或會標示「甘口 」。「辛口 」與「甘口 」主要既分別在於酒中糖分比例。由於製作清酒既「酒米」本身富含澱粉，帶有天然甜味，辛口僅代表酒含糖量較少，並非是字面上既「辛辣」既意思。 大家可從酒標上標示既「日本酒度」判斷「辛口」與「甘口」之基準，例如「＋是辛口」、「- 是甘口」，但要注意這些標示其實也不能完全反映清酒嚐起來既口味。酸味會改變對酒液感受，即使酒度在「+ 辛口」的範圍，如果酸度夠高，味覺上會有些甘醇既印象。此外，溫度也會為酒體帶來變化，當將清酒溫熱，溫度上產生截然不同既變化， 較能感受到甘口的風味。 

當掌握到日本清酒主要特徵，從味覺的判斷尋找到自己喜愛嘅風格密碼， 無論係餐廳睇住Beverage List或喺酒舖揀選心頭好時，都能提升品嚐體驗。